3 - 45 - 23

2017 жылғы 22 маусымда қалалық мәслихатта Сәтбаев қаласының әкімі А.А. Ыдырысовтың және қаланың мемлекеттік мекемелері басшыларының қатысуымен Сәтбаев қалалық мәслихатының тұрақты комиссияларының бірлескен отырысы өтті.
Күн тәртібіне сәйкесдепутаттар қала әкімдігімен ұсынылған2016 жылға арналған қалалық бюджеттің атқарылуы туралыесепті тыңдады. Осы мәселе бойынша «Сәтбаев қаласының экономика және қаржы бөлімі» ММ басшысы Е.Х. Сәкеев баяндама жасады. Қарағанды облысы бойынша тексеру комиссиясының мүшесі А.Қ. Садықов және Экономикалық реформа, бюджет, коммуналдық шаруашылық және кәсіпкерлікті қолдау мәселелері жөніндегі тұрақты комиссияның төрағасы В.Л. Цой2016 жылға арналған Сәтбаев қаласы бюджетінің атқарылуы туралыесебіне қорытынды жасады.
Талқылау соңында қала әкімі А.А. Ыдырысов және қалалық мәслихаттың хатшысы Т.И. Хмилярчук қорытынды сөз сөйлеп, бюджеттік бағдарламалар әкімшілерінің назарын қалалық бюджетті атқарудақаржы заңнамаларын бұзуға жол бермеулеріне аударды.
Сондай-ақ, тұрақты комиссияның мүшелері алдағы сессияның күн тәртібінің жобаларын мақұлдады.

Қалалық мәслихат сессиясының қарауына мәселені әзірлеу аясында Сәтбаев қаласының ішкі істер бөлімінде кезекті Депутат күні өткізілді. 2017 жылғы 6 маусымда өткен іс-шараның тақырыбы жергілікті полиция қызметі бастығының есебіне арналды.
Депутат күнін өткізудің бағдарламасына сәйкес Сәтбаев қаласының ішкі істер бөлімінің бастығы Асхат Маратұлы Дүйсембеков қалада құқықтық тәртіпті және қоғамдық қауіпсіздікті қамтамасыз ету және ішкі істер бөлімінің мәселелері туралы баяндады. Ювеналды полицияның жұмысы туралы егжей-тегжейлі ақпаратпен ювеналды полицияның аға инспекторы Гүлнар Шәріпқызы Жалмурзина сөз сөйледі.
Депутаттар сондай-ақ, ювеналды полицияның материалдық-техникалық жабдықталу мәселесіне жеке тоқталды.

2017 жылғы 24 мамырда депутат Қайрат Маратұлы Балмағамбетовтың төрағалық етуімен Сәтбаев қалалық мәслихатының кезектен тыс 16 сессиясы өтті.  
Сессияның күн тәртібіне екі мәселе енгізілді: «Мемлекет мұқтажы үшін жер учаскесін және онда орналасқан жылжымайтын мүлікті сатып алу (алып қою) шарттарының жобаларымен келісу туралы» және «Сәтбаев қаласын басқару сызбасын бекіту туралы».
 Сессияда тиісті баяндамаларымен қала әкімінің орынбасары Сұлтан Нұрланұлы Нарботаев және әкім аппаратының персоналды басқару қызметінің басшысы Ботакөз Сүйінжанқызы Нұрмағамбетова ақпарат берді.
Депутаттар 66 мемлекет мұқтажы үшін жер учаскесін және онда орналасқан жылжымайтын мүлікті сатып алу (алып қою) шарттарының жобаларын мақұлдады, сондай-ақ қаланы басқару сызбасын бекітіп, ол туралы тиісті шешімдер қабылданды.

«Қазақстан Республикасында тілдерді дамыту мен қолданудың                2011 – 2020 жылдарға арналған мемлекеттік бағдарламасының Сәтбаев қаласында іске асырылу барысы туралы» мәселені қалалық мәслихаттың сессиясының қарауына әзірлеу аясында 2017 жылғы 26 мамырда «Сәтбаев қаласының мәдениет және тілдерді дамыту» ММ-де Депутат күні өтті.
Депутат күні отырысын алғысөзбен қалалық мәслихаттың хатшысы Хмилярчук Татьяна Ивановна ашты. «Сәтбаев қаласының мәдениет және тілдерді дамыту бөлімі» ММ басшысы Қанат Жанділдәұлы Төлеш депутаттар алдында Қазақстан Республикасында тілдерді дамыту мен қолданудың 2011 – 2020 жылдарға арналған мемлекеттік бағдарламасының Сәтбаев қаласында орындалуы жөніндегі қалалық ұйымдардың қызметін үйлестіру жөніндегі жұмыстар туралы ақпарат берді.
Отырыс соңында депутаттар «Сәтбаев қаласының мәдени-сауықтыру орталығы» КМҚК жанындағы оқу-әдістемелік кабинеттің жұмысымен танысты.

2017 жылғы 3 мамырда әкімдіктің мәжіліс залында «Қаланың білім беру мекемелерінде тамақтандыруды ұйымдастыру және бюджет қаражатын нысаналы пайдалану туралы» мәселені талқылау жөнінде Депутаттық сағат өтті. Депутаттық сағат отырысын қалалық мәслихаттың хатшысы Т.И. Хмилярчук жүргізді.
Депутаттық сағатты өткізу жоспарына сәйкес Сәтбаев қаласының білім бөлімінің басшысы Б.Б. Ақышбековтің «2016 – 2017 оқу жылында жалпы білім беретін мектептердің оқушыларын тамақтандыруды ұйымдастыру туралы» есебі, Сәтбаев қалалық қоғамдық денсаулық сақтау басқармасының басшысы Г.Ш. Жалмурзинаның мектеп асханаларында тамақтандыруды ұйымдастыру және сапасын жақсарту жөніндегі шаралар туралы ақпараты тыңдалды, сондай-ақ осы мәселе бойынша жалпы білім беретін мектептердің директорлары мен мектеп асханаларын жалдаушы жеке кәсіпкерлер сөз сөйледі.
Қалалық мәслихаттың хатшысы Т.И. Хмилярчук Депутаттық сағаттың қарауына мәселені дайындау барысында депутаттық топтармен жүргізілген депутаттық тексерудің қорытындысын баяндады.
Талқылау аяқталғаннан кейін әлеуметтік сала, құқықтық тәртіп және халықты әлеуметтік қорғау мәселелері жөніндегі тұрақты комиссияның төрағасы Қ.Қ. Жанасылова оқушыларды тамақтандыруды жақсарту жөніндегі депутаттық топтың ұсынымдарын жариялап, мектеп асханаларының материалдық-техникалық жабдықталуын нығайту және жаңарту, сондай-ақ эстетикалық ресімдеу қажеттілігіне ерекше көңіл аударды.
Депутаттық сағат жұмысына қала әкімінің орынбасары А.Қ.Төлендина, Қоғамдық кеңестің төрағасы М.С. Мәдиева, «Нұр Отан» партиясы Сәтбаев қалалық филиалы төрағасының бірінші орынбасары Ж.Ә. Дәрібаев, Сәтбаев қаласының білім бөлімінің және Сәтбаев қалалық қоғамдық денсаулық сақтау басқармасының басшылары, мектеп директорлары, мектеп асханаларын жалдаушы жеке кәсіпкерлер және БАҚ өкілдері қатысты.