Қалалық мәслихат сессиясының қарауына мәселені әзірлеу аясында Сәтбаев қаласының ішкі істер бөлімінде кезекті Депутат күні өткізілді. 2017 жылғы 6 маусымда өткен іс-шараның тақырыбы жергілікті полиция қызметі бастығының есебіне арналды.
Депутат күнін өткізудің бағдарламасына сәйкес Сәтбаев қаласының ішкі істер бөлімінің бастығы Асхат Маратұлы Дүйсембеков қалада құқықтық тәртіпті және қоғамдық қауіпсіздікті қамтамасыз ету және ішкі істер бөлімінің мәселелері туралы баяндады. Ювеналды полицияның жұмысы туралы егжей-тегжейлі ақпаратпен ювеналды полицияның аға инспекторы Гүлнар Шәріпқызы Жалмурзина сөз сөйледі.
Депутаттар сондай-ақ, ювеналды полицияның материалдық-техникалық жабдықталу мәселесіне жеке тоқталды.
