2018 жылғы 26 қаңтарда Қ.Қ. Жанасылованың төрағалығымен қалалық мәслихаттың әлеуметтік сала, құқықтық тәртіп және халықты әлеуметтік қорғау мәселелері жөніндегі тұрақты комиссиясының кеңейтілген отырысы өтті. Жиында білім беру мекемелерінде тамақтандыруды ұйымдастыру мәселесі бойынша Депутаттық сағат ұсынымдарының орындалысы туралы қалалық білім бөлімінің басшысы Б.Б.Ақышбековтың, қалалық қоғамдық денсаулық сақтау басқармасының басшысы Г.Ш.Жалмурзинаның ақпараттары тыңдалды. Қалалық мәслихат хатшысы Т.И.Хмилярчук, қала әкімінің орынбасары А.Қ.Төлендина қорытынды сөз сөйлеп, тиісті қаулы қабылданды. Отырысқа білім мекемелерінің басшылары, мектеп асханаларын жалға алушы және азық-түлікпен қамтамасыз етуші жеке кәсіпкерлер қатысты.
