2019 жылғы 5 маусымда Сәтбаев қалалық мәслихатының тұрақты комиссияларының отырысы және 46 сессиясы болып өтті. Депутаттар Сәтбаев қаласының және Жезқазған кентінің 2018 жылғы бюджеттерінің орындалуы туралы есептерді қарады (баяндамашылар экономика және қаржы бөлімі басшысының м.а. Әубәкіров Ш.М. және кент әкімінің м.а. Кокшин М.М.). Қарағанды облысы бойынша тексеру комиссиясының мүшесі В.Ф.Александрова облыстық тексеру комиссиясының қорытындысымен сөз алды. Сессияда күн тәртібіне сәйкес қалалық полиция бөлімі бастығының орынбасары Ж.Қ.Жүнісовтың бөлімнің қоғамдық тәртіпті қорғау және қоғамдық қауіпсіздікті қамтамасыз ету жөніндегі жұмысы туралы ақпараты тыңдалды. Мәселелерді талқылауды қала әкімі А.Ыдырысов және қалалық мәслихат хатшысы Т.Хмилярчук атқарылған жұмыстарды талдаумен қорытындылап, тиісті шешімдер қабылданды.
