2020 жылғы 13 маусымда Сәтбаев қалалық мәслихатының кезектен тыс 65-сессиясы болып өтті. Күн тәртібіне сәйкес сессияда жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті иеліктен шығару туралы шарттарының жобаларымен келісу туралы және «Сәтбаев қаласы әкімдігінің дербес құрамын келісу туралы» Сәтбаев қалалық мәслихатының 2020 жылғы 29 сәуірдегі 63 сессиясының № 530 шешіміне өзгеріс енгізу туралы мәселелер қаралды.
Қазақстан Республикасы Президентінің Жарлығымен Қазақстан Республикасы Парламенті Сенатының депутаттарының сайлауы тағайындалуына байланысты депутаттар сонымен қатар Сенат депутаттығына кандидат ұсыну туралы мәселені қарады. «Қазақстан Республикасындағы сайлау туралы» Конституциялық заңның 71-бабына сәйкес депутаттар Ершов Сергей Михайловичты Сенат депутаттығына кандидаттыққа ұсыну туралы «Нұр Отан» партиясының ұсынысын бірауыздан қолдады.
Сессияда барлық қаралған мәселелер бойынша тиісті шешімдер қабылданды.
