2021 жылдың 4 қарашасында қалалық мәслихаттың тұрақты комиссияларының бірлескен отырысы болып өтті. Отырыста екі мәселе қаралды. Күн тәртібінің бірінші мәселесі бойынша депутаттар «Сәтбаев қаласы әкімдігі жанындағы консультациялық-кеңесші органның қызметінің нәтижелері туралы» қалалық пробация қызметінің бастығы М.Ж.Нүркеевтың есебін тыңдады. «Сәтбаев қаласының кәсіпкерлік және ауыл шаруашылық бөлімі» ММ басшысы З.С.Таянова «Сауда, азық түлікпен қамтамасыз ету және бағаның өсуін тежеу салаларындағы мемлекеттік саясатты іске асыру шаралары туралы» баяндама жасады. Баяндамашылардың есебін талқылау барысында депутаттар өзекті мәселелерді көтеріп, мемлекеттік органдардың тиісті бағыттар бойынша қызметін жақсарту жөнінде ұсыныстар енгізді.
