2022 жылдың 20 сәуірінде № 15 жалпы білім беретін орта мектеп қабырғасында қалалық мәслихат депутаттары еңбек ұжымымен кездесу өткізді. Қалалық мәслихат хатшысы Т.Хмилярчук, Қазақстанның Еңбек Ері, депутат Т.Ш.Макишев және де «Қазақмыс» корпорациясы «Жастар жұмысшылар одағы» ҚБ төрағасы, депутат Мыңбаева Л.Ә кездесуге жиналғандарға қоғамдық және әлеуметтік-экономикалық жағдайдың негізгі өзекті мәселелері мен қаланың даму перспективалары, сондай-ақ депутаттық өкілеттіктерін жүзеге асыру барысы туралы баяндады. Кездесу соңында депутаттар жеке мәселелері бойынша қабылдау өткізді.
