3 - 45 - 23

Сәтбаев қалалық мәслихаты Сәтбаев қаласының Қоғамдық кеңесін қалыптастыру жөніндегі жұмыс тобының мүшелерін таңдау бойынша конкурс өткізу туралы хабарлайды. Жұмыс тобының сандық құрамы – 7 адам, оның 2-і – мемлекеттік органның өкілдері, 5-і – коммерциялық емес ұйымдардың өкілдері, азаматтар. Конкурс коммерциялық емес ұйымдардың, азаматтардың арасында өткізіледі.

Конкурсқа қатысу үшін:

1) үлгі бойынша өтініш (үлгі қалалық мәслихаттың сайтында: maslihat.satpaev.gov.kz).

2) коммерциялық емес ұйымның жұмыс тобының мүшелігіне кандидатура (болған жағдайда) ұсыну туралы жазбаша ұсынысы;

3) кандидаттың кәсіби және (немесе) қоғамдық қызметі туралы мәліметтер;

4) Қазақстан Республикасы азаматының жеке куәлігінің көшірмесі ұсынылады.

Жұмыс тобына кандидатуралар бойынша ұсынысты 2021 жылдың 20 желтоқсанынан 24 желтоқсанына (қоса алғанда) дейін мына мекен-жайға жолдауларыңызды сұраймыз: 101302, Сәтбаев қ.,Академик Қ.Сәтбаев д., 108, 3-қабат.

Электрондық мекен-жай:satp_maslihat@krg.gov.kz

Байланыс телефоны: 8 (71063) 34523, 34453.

Қоғамдық кеңес туралы үлгілік ережеге 1-қосымша Нысан

Қадағалаушылар тізімін қалыптастыру бойынша таңдау өткізу туралы ХАБАРЛАНДЫРУ

Сәтбаев қалалық мәслихаты Сәтбаев қаласының Қоғамдық кеңесін қалыптастыру жөніндегі жұмыс тобының отырысына қатысу үшін коммерциялық емес ұйымдар өкілдері және бұқаралық ақпарат құралдары қатарынан 3 адамнан тұратын қадағалаушылар тізімін қалыптастыру бойынша таңдау өткізу туралы хабарлайды.

Тілек білдірушілер үлгі бойынша өтініштерін (үлгі қалалық мәслихаттың сайтында: maslihat.satpaev.gov.kz ) 2021 жылдың 20 желтоқсанынан 24 желтоқсанына(қоса алғанда) дейін мына мекен-жайға: 101302, Сәтбаев қ., Академик Қ.Сәтбаев д., 108, 3-қабат немесе мына электрондық мекен-жайға жолдаулары қажет: This email address is being protected from spambots. You need JavaScript enabled to view it.

Байланыс телефоны: 8 (71063) 34523, 34453.

Қоғамдық кеңес туралы үлгілік ережеге 2-қосымша

2021 жылдың 9 желтоқсанында мәслихат хатшысы Т.Хмилярчуктың төрағалық етуімен қалалық мәслихаттың кезектен тыс 21-сессиясы болып өтті. Сессияда депутаттар күн тәртібіне сәйкес «Сәтбаев қаласы кәсіпкерлік және ауыл шаруашылығы бөлімі» ММ басшысы З.Таянованың баяндамасын талқылап, Сәтбаев қаласында жайылымдарды басқару және оларды пайдаланудың 2022-2023 жылдарға арналған жоспарын бекітті.Жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті иеліктен шығару туралы шарттар жобаларымен келісті, кадрлық өзгерістерге байланысты сессия шешімімен қала әкімдігі жанындағы ведомствоаралық комиссиялардың құрамына өзгерістер енгізілді.

Сондай-ақ, депутаттар аймақтың әлеуметтік-экономикалық дамуына зор үлес қосқан қала тұрғындарына «Сәтбаев қаласының Құрметті азаматы» атағын беру туралы ұсынысын қарады.

Сессияда қабылданған шешімдер жергілікті басылымда жаряланады.

Қазақстан Республикасының Бюджет кодексіне сәйкес жергілікті бюджетті бекітпес бұрын бюджет жобасын мәслихаттың тұрақты комиссиясында қарау жұмыстары жүргізіледі. 11-12 қарашада 2022-2024 жылдарға арналған қалалық бюджет жобасы мәслихат хатшысы Т.Хмилярчуктың және қала әкімінің орынбасары Ш.Әубәкірдің қатысуымен тұрақты комиссиялардың кеңейтілген отырыстарында қаралды. Тұрақты комиссиялардың мүшелері жергілікті бюджеттік бағдарламалар әкімшілерінің қаланы дамыту бағдарламасын іске асыру мақсатында жоспарланып отырған шығыстар көлемдері жөніндегі баяндамаларын тыңдады. Жобаларды талқылау барысында депутаттар қаланың абаттандырылуын одан әрі жақсарту жөнінде ұсыныстар енгізді. Жолдарды асфальттау, қаланың төменгі бөлігінің шағын аудандарын абаттандыру одан әрі жалғасатын болады, жаңадан 10 футбол алаңы, заманауи балалар ойын алаңдары орнатылады. Депутаттар тұрғындарды әлеуметтік қолдау мәселелеріне ерекше көңіл бөлді.

2021 жылдың 11 қарашасында мәслихат хатшысы Т.Хмилярчуктың төрағалық етуімен қалалық мәслихаттың кезектен тыс 19-сессиясы болып өтті. Депутаттар күн тәртібіне сәйкес «Сәтбаев қалалық мәслихатының 2020 жылғы 30 желтоқсандағы № 651 «2021 – 2023 жылдарға арналған Жезқазған кентінің бюджеті туралы» шешіміне өзгерістер енгізу туралы» (баяндамашы Жезқазған кенті әкімінің м.а. Ә.Б.Баймұратова) мәселені қарады. Жезқазған кентінің алдағы уақытта таратылуына байланысты «Құқықтық актілер туралы» Қазақстан Республикасы Заңының 27-бабының негізінде «Жезқазған кентінің жергілікті қоғамдастық жиналысының регламентін бекіту туралы» және «Жезқазған кентінің бөлек жергілікті қоғамдастық жиындарын өткізу қағидаларын бекіту туралы» шешімдердің күшін жою жөнінде актілер қабылдады. Депутаттар жер учаскесін мемлекет мұқтажы үшін алып қоюға байланысты жер учаскесін немесе өзге де жылжымайтын мүлікті иеліктен шығару туралы 7 шарт жобасымен келісті, сондай-ақ қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, қылмыстық жазаларын өтеген адамдарға әлеуметтік және өзге де көмекті ұйымдастыру жөніндегі Сәтбаев қаласы әкімдігі жанындағы консультациялық-кеңесші органның құрамын өзгерістер енгізу туралы шешім қабылдады. Сессия жұмысына қала әкімінің орынбасары Ш.М.Әубәкір қатысып отырды.

Халыққа медициналық қызмет көрсету өзекті мәселелердің бірі болып табылады. Депутат Ш.С.Мұхамедғалиеваның төрағалығымен бүгін өткен қалалық мәслихаттың тұрақты комиссияларындағы көпшілік тыңдауларда қаланың емдеу мекемелерінің міндетті медициналық сақтандыру енгізілген уақыт аралығындағы қызмет нәтижелері, сондай-ақ оқушылардың денсаулығын қорғау мәселелері талқыланды. «Сәтбаев қаласы білім бөлімі» ММ басшысының міндетін атқарушы А.Р.Танабаева, Қарағанды облыстық Денсаулық сақтау басқармасының Жезқазған аймағы бойынша басшысы Л.Н. Ранова, «Сәтбаев қалалық санитарлық-эпидемиологиялық бақылау басқармасы» РММ басшысы Н.Ж.Жолдыбаев, қалалық мәслихат хатшысы Т.И. Хмиярчук қатысушыларға ақпарат берді. Міндетті мемлекеттік сақтандыру аясында қалада тоғыз мекеме халыққа медициналық қызмет көрсетеді, барлық мектептерде медициналық кабинеттер жұмыс істейді. Медициналық қызмет көрсету мәселесі жергілікті атқарушы органдардың тұрақты бақылауына алынған. Депутаттар жиын соңында көрсетілетін медициналық қызмет сапасын жақсарту жөнінде ұсыныстар қамтылған қаулылар қабылдады. Көпшілік тыңдауларға қоғам, БАҚ өкілдері, мемлекеттік органдардың басшылары, жалпы білім беру мектептептерінің басшылары мен медбикелері қатысты.